أسئله بتسمعها بس في الأردن

نايم بغرفتك على السرير ومطفي النور ومتلحف بالبطانية
بيجي واحد من أهلك ويفتح الباب عليك ويقول : إنتا نايم ؟؟



لا .. برقص على وحده ونص .. أكيد نايم يا بشر .........

______________________

معزومين عند ناس ورحتوا لبيتهم وأول ما فتحوا إلكم الباب قال إبنهم
إنتوا جيتــوا ؟؟

لا .. لسه في الطريق أكيد جينا إنت إيش شايف ؟؟

________________________________________

لابس بدلة ومتعطر و متهندم وماخذ مفاتيح السيارة و المحفظة ومتجه إلى
باب البيت



يجي واحد من أهلك ويسألك : إنتا طالع مشوار ؟؟



لا .. طالع على السطح أصلح خزان الميه.. أكيد طالع
مشوار يا عالم

___________________________________

ماسك سماعة التليفون و قاعد تدق أرقام
يجي واحد من أهلك وبسألك : بدّك
تحكي بالتليفون ؟؟



لا .. بسلّك في مجاري البيت.... أكيد بدّي أتكلم بالزفت

__________________________________________



مذيع تلفزيوني بسألك ليلة العيد في مقابلة في نص الشارع :
إيش بتسوي يوم العيد ؟ أكيد بتروح تسلّم على أهلك و تعيّد عليهم .....



لا .. بروح أضربهم بالكندرة وأسوي معهم هوشة للسما .. أكيد رايح
أعيّد عليهم

________________________________________

نفس المذيع بشوف ولد بالشارع وبساله؟
حبيبي بتحب بابا وماما؟!!



لا مابحبهم , بحب البوسنة والهرسك ... يعني اكيد بحبهم